Marko Feher, poznat po svojoj hrabrosti da kroz dizajn ispriča priče koje odjekuju daleko izvan granica modne industrije, u tim trenucima postaje više od dizajnera – postaje pripovjedač u trenu kada se stvarnost i vizija susreću.

Ovaj put, s kolekcijom 'My Digital Legacy,' Marko donosi novinu u tkaninama i krojevima, ali i u idejama koje oblikuju digitalnu budućnost. Prije nego što svjetla obasjaju pistu Budapest Central European Fashion Week-a i prvi model zakorači u Markov svijet, imali smo priliku uhvatiti njegove misli, one koje dolaze tek nekoliko minuta prije nego što njegova vizija postane stvarnost.
 

,,Print je naizgled tradicionalan, ali je meni poprilično ličan'' rekao nam je Marko u razgovoru koji smo vodili kada je najavio ovu kolekciju. Objasnio je da je nastala od recikliranih komada koje su mu donirali njegovi prijatelji na socijalnim mrežama. Njegov cilj je da 'My Digital Legacy' pokrene i inspiriše ljude, ali i da se međusobno pomažemo. 

Da li je ispunio svoja očekivanja, saznajemo u razgovoru nakon revije.

No, uspjeli smo ga uhvatiti na nekoliko minuta prije početka, te je samo za nas podijelio svoje emocije i zapažanja neposredno pred izlazak modela na pistu.

,,Organizacija je zaista impresivna. Pista izgleda fenomenalno, odlično je osvijetljena, a protok modela je vrlo dobar. Publika može vidjeti kreacije iz svih uglova, što mi je izuzetno važno. Mislim da bi ovaj šablon mogao biti odličan za slična događanja kod nas. Puno pažnje je posvećeno osvjetljenju, a situacija u backstageu je izvanredna. Ljudi su veoma zainteresovani za kreacije, dodiruju materijale i pokazuju veliki interes za kolekciju.''

Saznali smo da su ulaznice za Markovu reviju, iako su jedne od najskupljih, rasprodane. Pitali smo ga kako se osjeća povodom toga.

"Jako je čudno predstavljati se prvi put publici koja ne poznaje ni mene ni moj rad. Za mene je ovo večeras veliki izazov. Nadam se da će ljudi pokazati interes i doći na reviju."

 

Za kraj, kroz pomalo nervozni smijeh, dodao je:
"Nadam se da će ova revija koja počinje za 5 minuta izgledati odlično!".

 

Mi Marku držimo palčeve i vjerujemo da će publika, koja možda po prvi put ima priliku vidjeti njegov rad, biti oduševljena. Njegova inovativna vizija i posvećenost svakom detalju obećavaju nezaboravan doživljaj.

Stay tuned, jer naravno da donosimo i ekskluzivni intervju s Markom nakon revije, gdje ćemo saznati sve detalje o kolekciji, reakcijama publike, i njegovim planovima za budućnost.

* * * 
Foto: Privatna arhiva, Marko Feher

Jedan od najaktuelnijih mladih izvođača regionalne scene, Jakov Jozinović, novo je zaštitno lice brenda Fashion&Friends. 

Ova saradnja spaja savremenu modu, autentičnu muziku i generaciju koja stil doživljava kao dio ličnog izraza.

Fashion&Friends je prepoznatljiv multibrend koncept u regionu, prisutan na sedam tržišta, s portfolijom koji obuhvata više od 40 poznatih svjetskih modnih brendova. 

Kroz pažljivo odabranu ponudu i moderan pristup modi, Fashion&Friends okuplja različite stilove i publiku, ostajući dosljedan ideji slobodnog i ličnog izraza. 

Upravo te vrijednosti povezuju brend s Jakovom, čija su individualnost, energija i neposrednost obilježile njegov dosadašnji uspjeh.
 

Scotch&Soda kačket; Tommy Hilfiger košulja; Tommy Hilfiger kupaći šorc; Timberland teget brodarice

Od spontanih nastupa na ulicama Splita do miliona pregleda na društvenim mrežama i rasprodatih nastupa širom regiona, Jakov je za kratko vrijeme postao jedno od prepoznatljivih novih imena regionalne scene. 

Njegova harizma, iskren odnos s publikom i autentičan umjetnički izraz približili su ga generaciji koja cijeni originalnost i slobodu da bude svoja.  
 

Muške pantalone Tommy Hilfiger; Muška dukserica Scotch&Soda  
 

Povodom početka saradnje realizovana je modna kampanja snimana na hrvatskoj obali, u Opatiji i Voloskom, lokacijama koje spojem mediteranske arhitekture, mora i prirodnog svjetla stvaraju atmosferu i vizuelni identitet kampanje.  
 

Muška košulja | Tommy Hilfiger ; Muški šorts | Tommy Hilfiger ; Muška majica | Calvin Klein ; Timberland bež brodarice  
 

Kampanja donosi priču inspirisanu ljetom, slobodom i spontanošću, kroz estetiku uhvaćenih trenutaka i prirodnih emocija. Umjesto klasične studijske produkcije, fokus je stavljen na autentične situacije, pokret i energiju svakodnevice, stvarajući vizuale koji djeluju iskreno, moderno i blisko publici.

Za Jakova je saradnja s Fashion&Friends brendom došla sasvim prirodno. Kako ističe, prepoznao se u vrijednostima koje brend promoviše: autentičnosti, samopouzdanju i slobodi da budeš svoj.

„Nikada nisam gradio svoj put pokušavajući da ličim na nekog drugog i mislim da je publika to prepoznala od samog početka. Zato mi je ova saradnja posebno značajna- Fashion&Friends okuplja različite stilove, energije i karaktere i daje svakome priliku da pronađe ono što mu najviše odgovara i izgradi autentičan lični stil“, kaže Jakov.
 

Diesel košulja kratkih rukava; Muške pantalone | Scotch & Soda ; Muške japanke | Calvin Klein 

Stilizacije u kampanji kombinuju opuštenu ljetnu eleganciju sa savremenim urbanim senzibilitetom kroz pažljivo odabrane komade brendova Tommy Hilfiger, Scotch & Soda, Calvin Klein, Diesel, Levi’s i Hugo. Iako moda ranije nije bila u njegovom fokusu, Jakov priznaje da je s razvojem karijere počeo posmatrati stil kao važan dio ličnog i profesionalnog identiteta. Upravo zato mu, kako kaže, odgovara raznovrsnost koju Fashion&Friends nudi kroz svoj portfolio brendova.
 

Tommy Hilfiger kačket; Tommy Hilfiger bluza kratkih rukava; Tommy Hilfiger kupaći šorc; Tommy Hilfiger japanke

Tommy Hilfiger kačket; Tommy Hilfiger bluza kratkih rukava  
 

„Počeo sam da shvatam koliko je važno da vizuelni identitet prati muziku, energiju i priču koju želiš da preneseš. Danas mnogo više obraćam pažnju na detalje i uživam u tome da kroz stil izrazim različite strane svoje ličnosti“, dodaje on.

„Volim što mogu da pronađem komade za različite prilike. Za nastupe i večernje događaje najčešće biram Hugo, Diesel, Armani Exchange i Scotch & Soda, dok se u svakodnevnim kombinacijama najbolje osećam u Tommy Hilfiger, Calvin Klein, Replay i Levi’s komadima. Na kraju, najvažnije mi je da se u onome što nosim osećam prirodno, a upravo je to ono što me je povezalo sa Fashion&Friends pričom“, zaključuje Jakov.
 

Scotch&Soda zelena lanena košulja; Diesel bele bermude; Timberland braon brodarice  
 

Kampanju je realizovao međunarodni kreativni tim koji čine fotograf Alessio Albi, videograf Igor Kokar, producentkinja Marita Bobelj, stilistkinja Vanja Pantin i MUAH artistkinja Ivana Lončar.

Komade iz nove Fashion&Friends kampanje možete pronaći u svim Fashion&Friends prodavnicama, putem online shopa na www.fashionandfriends.com, kao i putem mobilne aplikacije. 

Dodatne pogodnosti i ekskluzivni benefiti dostupni su svim članovima Forever Friends Loyalty programa.
 

Foto: PR/Alessio Albi